top

11月30日---星期一(大太陽)

不知不覺又一個月, 不過太忙了, 冇寫日記, 我都唔記得左有咩事發生過, haha~

11月2日---星期一(大太陽)

今日放學後去睇匡智會的音樂會, 不過我唔記得左同個學生講, 所以佢晚上去左我屋企諗住學琴, 好彩我老公係屋企, 同佢講話我未返叫佢走人...

top

10月26日---星期一(大太陽)

今日好開心, 因為同爸爸媽媽同埋老公一齊去左食講左好耐都未食的「農夫飽」~ 2點3係mtr集合就一齊出發去mk站~ 原來街市真係幾多野食呢, 其中一間就係我爸媽強烈推介的, 個「農夫飽」真係幾好味, 我覺得牛腩o個個真係幾好味~ 另外個米線都好正~

食完野, 爸爸就去教協, 老公回家, 我同媽媽係langham行左個圈都回tw了~ 之後就去我vc買衫~ mama送左件外套比我呢, 好開心~ 好靚靚的~

買完衫就回家, 繼續玩機~

10月25日---星期日(大太陽)

好眼訓呢, 琴晚又係玩online game玩到好夜~ 今朝冇教琴, 但係好早就玩機了, haha~ 下午飲完茶就返左99家拿東東, 攪攪下都6點幾先回到家~ 一回到家又開始玩機~

10月16日---星期五(大太陽)

終於都到左星期五了~ 放學後就回家, 本來諗住教完琴去食M記, 但係太lazy唔想再落街, 最後都係整左個面食就算~ 諗住寫教案, 點知唔記得睇下份校本, 唔知有咩可以寫添, 最後都係冇寫到, haha~

11點幾老公先回來, 佢買左dinner回家食, 咁我都食左少少~

10月15日---星期四(大太陽)

今朝起身再探下熱, 冇燒, 加上基金仲有個email要跟, 所以一定要返去~ 如果唔係就會安落~ 係車到係咁諗個email應該點寫, 一回到校就開工, 好快就寫好, 同埋都冇咩野要改, hoho~

上午係中華文化日, 唔駛上堂有活動, 好開心呢, 第一站係同自己班小朋友去穿著民族服飾影相, 影左張大合照, 好開心~ 不過心心咀唔肯著, 所以冇影到佢~ 真係可惜~

lunch同詹詹食, 佢琴日病左冇返, 攪到我琴日都唔舒服, haha~ 今日大家都冇晒事, 一齊去左元朗廣場食野, 好味道~

10月14日---星期三(大太陽)

今朝起身覺得雙腳好酸痛呢~ 同埋有O發冷~ 不過最緊要係冇頭痛, 所以都冇理咁多照返學~ 不過對腳真係好酸痛, 都唔知係咪風濕~ 放學做左陣野就回家, 好累呢~ 回到家探熱, 原來真係發燒, 不過都唔係好高燒掛, 支探熱針話37係正常, 咁我就37.6, 唔係高好多者~ 之後睇左畢打自己人, 點知發現越來越辛苦, 所以又探下熱, 原來38.1, 高左, 於是去食粒葯之後就上床訓了~

11點幾醒左再探下熱, 冇事了~ 再訓~ 12點幾老公先回來~

10月10日---星期六(大太陽)

今日係家長日, 8點幾回到學校換衫, 再整理下個班房, 不知不覺就9點半見家長, 因為有幾個學生都病左, 所以有幾個家長冇黎到~ 得返4個家長, 好快就講完我想講的東西, 都唔知仲講咩好, HAHA~ 好彩O的家長都有O的意見想講, 如果唔係都唔知點算好~

見完家長就一齊去多用途室聽校長講野, 聽左半個鐘就去當值, HEHE~ 心心咀好攪笑, 我同阿詹一人一邊坐係心心咀隔離, 我地係咁同佢玩, 好好笑, 我地攪佢條腰仔, 佢就好似講野咁話「唔好攪我個肚肚」, 攪佢隻腳, 佢就好似講野咁話「唔好攪我隻腳仔」, 真係好可愛好得意好好笑~ 跟住阿詹叫佢載口罩, 佢就係咁搖頭~ 見到阿詹拿住個口罩, 佢就立即扁晒咀咁~ 當完值就同家長一齊食茶點~ 不過因為有個學生唔肯留係禮堂, 所以我就帶左佢係花園行~

完左家長日, 立即換返便服先~ 之後就同其他同事去食甜品, 小yu帶左我地行行行, 點知間野未開門, 唯有再行行行去等二間... 食完之後再返去元朗廣場搭車去ocean park~ 本來我地8人去, 但係小yu同曾老師見我地講到咁吸引, 於是都join我地一齊去~ yeah~

ocean park小記二三事:

1. 4點半到金鐘車站, 多人~ 立即排除上車~ 我, 阿芬, 阿詹, 好無知咁問「邊架車係榕樹灣架?」... 工作人員答我地「榕樹灣係大嶼山架~」~

2. 校長打來話我知同班有個同學確診左~

3. 載手帶就睇到一個人做事細唔細心, 阿sir你真係要改善一下, haha~

4. 阿詹金句「唔要老鼠」, 出自第一站~

5. 阿詹金句「唔要異形」, 出自第二站~

6. 同樣係阿詹金句「打針唔要」, 出自第三站~

7. 我話李sir「無良性」, 其實係良心同人性的混合體~

8. 食左個翠翠pizza~

9. 一名香港籍女子, 因驚嚇過度, 導致行為失常, 於ocean park長命斜坡上舉手投足, 手上名貴大炮險成受害者...

10. 該名女子被「菜刀」怪人追殺, 幸得好心人用水樽奮力還擊~

我地係阿詹既領導下, 玩晒所有景點~ 除左實驗室冇玩, 因為o個個係要一個人入去的, 我就唔敢玩o個個呢~ 玩到最後o個兩個景點, 我同阿詹都擺左個勇字係心口咁, 爭住要排頭位入去, haha~ 真係好好玩~

12點幾終於走人, 最後仲係精品店行左個圈, 大家都好似唔想走咁呢, HAHA~ 之後一齊搭巴士去返金鐘, POON SIR同佢朋友就仲買緊野所以冇 一齊走人~ 去到金鐘岩岩最後一班MTR趕唔到, 所以就同MS陳曾三人一齊打的回TW~ 有人一齊住TW真係好~

1點鐘上車, 1點4就回到家了, 沖完涼玩左一陣機就訓了~

10月4日---星期日(大太陽)

今朝唔駛教琴, 訓到12點幾先起身, 真開心~ 下午去左愉景新城, 老公食三「食送」飯, 我就去左m記買將軍漢堡食~ 難得有將軍漢堡, 緊係要捉緊機會啦~ 食完野行左一陣就起程回家, 返到去tk商場, 經過海天堂, 突然想飲野, 所以 就飲左碗野葛菜先回家, haha~

回到家拿左件「小熊維尼」bb衫就出門口了, 因為今日約左上去b盛家探bb女~ 我問b盛佢樓下係咪平台, 佢話唔係~ 點知 去到一睇, 佢o個到咪就係o係平台上面o個棟囉, haha~ 跟住咪係咁比我話佢~

上到去岩岩bb女食緊奶, 大家傾左陣計, 終於等到bb女了~ 好可愛呢~ 影左兩張相之後我就走人了, 因為趕住出去做節食飯, haha~ 回到家換過套衫就出發, 去到漢堡7點都未夠呢, 我地係最早到的人, haha~

食完飯回到家都10點幾了~ 睇唔到亞洲星光大道~ haha~ 但係都算趕得切睇超級巨星~ 睇完tv就繼續睇火影~ 呢幾日睇左20幾30集, 勁呀~

top

9月25日---星期五(大太陽)

今日10點幾起身後就出發去紅磡, 再係火車站的美心食左個lunch, 食左個陳皮鴨湯飯, 唔錯呢, 不過呢間美心的價錢真係幾貴~ 食食下見到grace姨同阿be~ 食完野就行去大酒店, 2點左右上山, 攪掂晒就返去觀唐食飯~ 食到5點先走得人, 跟住就回家教琴~

9月24日---星期四(大太陽)

好耐冇寫日記添, 都唔係好記得呢排發生左咩事~ haha~

呢排h1n1同流感好勁呢, 成個住宿部都差唔多病晒同發燒~ 我班前前後後都有幾個人發燒~ 加上岩岩證實左有一個學生確診, 所以大家都載返個口罩保障自己~ 今日食飯時, 先知道原來李sir都發燒早退~ 希望佢早日康復啦~

本來於學要開行政會, 不過因為要趕住去大酒店, 所以校長唔駛開~ hoho~ 放學後就搭西鐵去紅磡~ 宜家西鐵同東鐵連埋一齊, 好方便呢~ 唔駛半個鐘就去到紅磡lu~ 同老公會合後就係baleno買左兩件衫, 本來買一件的, 但係一件90, 兩件100, 所以買左兩件~ 跟住就急急腳去返觀音廟附近買黑鞋, $20最平但係冇我碼, 唯有買左對 $29的~ 買完野就去大酒店~ 大約10點就離開, 搭返西鐵回家, 好快呢, 唔駛10min就返到tw了~ 之我我地去左M記食野, 食完就回家玩PSP~

9月23日---星期三(大太陽)

今日下午去左生產力促進局聽簡介會, 第一次一個人去聽talk, haha~ 去到又一城大約2點, 諗住去美食廣場食, 但係太多人, 都找唔到位子, 最後 去左m記食左個10號餐~ 坐左一陣見時間差唔多就起行了~ 聽到5點多o的就完場走人回家~

9月18日---星期五(大太陽)

今日老公生日, 所以佢冇去打波, dinner去左中染新城試下間放題~ 都ok啦, 不過下次要食放題應該都唔會考慮呢間~ 本來想買個杯的, 不過冇心水的, 所以未買到, haha~

9月1日---星期二(開學日)

放左咁耐假, 終於第一日正式開學~ 好掛住黃同學呢~ haha~ 佢仍然都係咁可愛~ 真係希望佢快o的識講野, 叫一聲黃老師, haha~ 今年我o個班有一個女仔新生, 計埋本身o個兩個, 一共有三個女仔~ 唔知第時會唔會好嘈呢, 咁岩呢三個都識講野~ haha~

top

8月8-13日---星期六至四(成都遊)

8/8(六) ->	好開心, 終於到左出發的一天, 不過因為係晚機, 所以朝早我都有教琴~ 教完琴之後去愉景食左個三「食送」飯, 買左幾對襪之後就回家~ 休息左一齊就去對面搭a31去機場~ 去到機場時間岩岩好, 見過領隊之後我地就去左burger king食野~ 上機後就玩機, 好快就到成都了~ 一落機就回酒店休息, 明早要4點幾morning call呢~ 不過我地玩機玩到好夜, 最後仲要睇埋stardust的結局先訓, haha~
9/8(日) ->	今日好早呀, 4點幾就要起身, 因為要趕搭第一班內陸機去九黃機場~ 因為太早, 所以只可以係車到食早餐盒, 仲要摸黑咁食, 因為司機未開燈~ haha~ 大約一個鐘車程就去到機場, 之後就等上機~ 機程都好快, 大約40分鐘左右~ 一落機大家都覺得好凍呢, 好多團友都立即開行李箱拿衫, 我都要呢, 好彩帶定條長的牛仔褲, 如果唔係實凍到傻~ 有o的團友仲係機場買衫添~ 九黃機場 第一站係去「西部地礦」睇玉石之類, 其中一種叫「藏泉天珠」, 都幾特別, 價錢都唔係貴~ 唔同花紋代表唔同方面咁~ 另外仲 有一種叫「紫袍玉」, 顏色好特別, 雕出來的東東很靚的~ 現場仲有個師父係到示範~ 西部地礦 藏泉天珠 紫袍玉 之後我地就去食個午飯先, 食完飯先上黃龍~ 不過因為落雨, 所以好凍, 大約8度~ 所以我著左兩件t-shirt, 再用另一件長t做 頸巾頂住~ 我同老公都有雨衣(係香港買的), 不過好白痴, 隻袖唔夠長, 仲要貴過係黃龍買的, 香港12.9, 係黃龍都只係10元, 仲要係長袖扣鈕的~ 準備好就出發行黃龍, 天雨路滑加上怕有高山反應(雖然之前飲左兩支紅景天), 所以都唔敢行很得太快~ 不過可能天雨關係, 影響到個景, 所以比想像中的冇咁靚, 而且唔夠時間去「五彩池」, 有o的失望添~ 不過總算係見識到~ 行到一半就開始回程了, 因為個景都冇咩特別, 再行上去都唔夠時間去睇五彩池, 所以就落山~ 返到去餐廳, 先知道原來有團友 唔舒服有高山反應~ 大家都好累呢, 而o且因為落雨o的衫濕晒, 所以團友都要求唔好開咁勁冷氣~ 今晚會住九寨天堂洲際酒店, 好靚呢~ 黃龍入口 迎賓池 蓮台飛瀑 洗身洞 金沙鋪地 明鏡倒映池 紅景天
10/8(一) ->	今日行程係去九寨溝, 天氣好好呢冇落雨~ 不過以防萬一我都著左3件t-shirt~ 去到九寨溝後就轉搭o的邊提供的公巴, 首先架車車我地去到「箭竹海」先, 沿途有好多景點, 好靚呢, 有o的團友都急不及待 影相~ 大約20分鐘後就到第一個影點「箭竹海」~ 真係好靚呀, o的倒影好清呢~ 影左唔少相~ 上午的行程: 箭竹海 熊貓海 五花海 珍珠灘 珍珠灘瀑布 鏡海 不午係九寨溝食, 食完之後買左條圍巾, 之後繼續睇景~ 下午的行程: 長海 五彩池 諾日朗瀑布 樹正群海 臥龍海 火花海 行左成日之後好累呢, 不過晚上仲有個自費節目, 就係家訪藏族食烤肉~ 因為大家都好累, 所以都唔係好興奮好期待咁去, 不過有幾位團友都幾投入, 所以整晚氣氛都幾好~ haha~
11/8(二) ->	今日又係好早morning call(5點), 因為要搭第二班機回成都~ 不過全靠領隊同導遊的安排, 我地可以係酒店食埋個早餐先走~ hoho~ 本來安排回成都後會睇一o的景點先, 點知delay加上成都飛機場停電(!?), 我地都算係好彩呢, 飛到返去成都, 因為之後的飛機都飛唔到, 要下午先恢復運作~ 我地一落機, 都見到好多野都停左電, 原來停電, 連行李都出唔到來, 要人手搬運, o的人擁晒去拿自己的東東, 好亂呢個場面, haha~ 好彩我地o的團友的行李都有掛住 康泰的牌, 所以好快我地就拿回自己的行李~ 上車後就直接去食午飯的地方, 呢餐唔錯呢, 係葯膳餐, 好似味味都好保咁... 跟住我地就去左行寬窄巷子~ 都冇咩特別, 不過係幾悠閒的感覺~ 不過我同老公都唔係o的行街睇野的人, 所以好快行完上返車, haha~ 之後就去睇「樂山大佛」~ 寬巷子 窄巷子 樂山大佛 睡佛 跟住就去峨嵋山~ 之後就回酒店了~ 休息左一陣就去左做「峨嵋派」的按摩~
12/8(三) ->	琴日去完峨嵋山, 今日就去金頂~ 導遊話要行40分鐘的樓梯先可以去到搭纜車, 好累呢~ 聽到已經唔想行呀~~ 不過最後我地可以搭車去到, hoho~ 全靠導遊咋~ 上到去得我地一架旅遊巴, haha~ 雖然唔駛行40min, 但係都要等纜車, 等左大約一個鐘~ 搭完纜車要行10min左右先到最高處「金頂」~ 金頂有條樓梯有好多鎖, 原來係o的情侶刻自己個名係上面, 然後扣係扶手到~ 金頂有幾個寺, 分別係金頂, 銀頂同銅頂~ 仲有一個佛像~ 我地入到佛像裡面行左一個圈, 點知行完出來先見到有個指示牌, 寫住「請順時針方向行」, haha~ 我地頭先調轉左行, 所以立即入去再行返兩個圈~ 逗留左一陣之後就回程了~ 排除時有人打插隊, 我地其中一個團友話佢, 點知佢話返我地個團友插隊, 於是我地就成排團友話佢~ 不過最後都不了了之, 各地文化不同, haha~ 之後去左絲綢店, 見到o的絲綢被套裝好抵, 不過價錢都唔平, 要大約2000元~ 本來想買的, 但係又唔係必要, 所以都放棄左買~ 反而同團的馬sir就買左~ haha~ 有幾個團友仲好主動咁同佢驗貨添~ 晚上我地去左睇自費的「川劇變臉表演」, 好精彩呢~ 飛刀環節請左團友jason上去, 好好笑~ 真係好好笑~ 段片post左上facebook, haha~ 成晚最好精彩的都莫過於始~ 當然變臉都好好睇, 我好欣賞個背景音樂, 好似超人卡通片o的歌咁~ 睇完表演都冇時間係錦里街, 直接跟導遊去「紅旗」超市買手信~ 之後就回酒店了~
13/8(四) ->	時間過得真係快, 話咁快就到最後一日行程, 今日主要係去睇熊貓~ 我地每人有張熊貓金咭入場, 之後就睇小熊貓同大熊貓~ 好得意呢~ 其中有個團友比左1000人仔去抱大熊貓bb影相~ 如果500人仔就係同大熊貓影相~ 睇完熊貓就食「菌宴」, 之後就回香港了~

8月7日---星期五(小太陽)

明天就出發去成都了, 不過都仲未開始執野, 只係打開左個旅行箱only, haha~ 好彩琴日打好左個checklist, 可以慢慢check下有咩要買~ 下午同mama去左食大家樂tea, 然後再去中聯國貨買插頭轉換器~

買完野就返mama到休息, 然後去教琴, 教完琴就回家封野, 之後再教琴, 然後再回mama到食dinner~ 然後再回家封野, haha~

8月6日---星期四(小太陽)

呢個星期都好有食神呢, 琴日打完邊爐, 今日又要出尖東食lunch自助餐~ 11點左右會合左mama同婆婆後, 就一齊搭mtr出去~ 之後再會合表弟同表妹~ 今次又係食帝苑的自助餐~ 好味道~ 12點食到2點半, 好飽呢~

8月5日---星期三(大大雨)

今日係開茶會的日子, 中午教完琴後就相約大佬一齊去茶會~ 去到金鐘後就上統一中心, 以為茶會O的野食好正, 點知得個餐盒, 仲要係麻麻地, haha~ 時間差唔多就入房開茶會, 圓桌會議呢, 大佬因為唔係去旅行o個個, 所以冇都咩心機聽, 仲係咁訓添, haha~ 聽完茶會, 我地就回tw的大家樂食左個tea~

晚上教完琴再出去尖東食飯, 同ben慶祝生日~ 我地去左尖東德興hot pot~ 出門口都冇雨, 點知去到tst就勁大雨, 有雨傘都濕晒呢~

top

7月28日---星期二(小太陽)

今早發左個好長篇的夢, 我夢自已同埋幾個女仔一齊住係一間別墅, 好似係4個女仔咁啦, 咁每個人都有自己的故事, 其中一個係學校個書記阿欣, 原來佢個故事都好慘, 佢有個孖生家姐, 點知係一次戰事裡面死左, 本來佢地一齊逃跑緊, 點知家姐比O的光炮打中, 當場消失左, 咁所以阿欣就得返一個人, 咁我就係一個流浪者, 又係冇親冇物的~

係間別墅隔離係一條河, 河隔離有O的石圍住, 咁我就係上面行, 唔知點解見到有架車係河中心, 仲有個男人係裡面, 佢話不如一齊落水玩, 好舒服咁話, 我冇理佢, 但係阿欣就聽佢話落左去, 跟住佢地就好開心咁玩水, 最後唔知有冇快快樂樂咁一齊生活...

之後我離開左呢個家, 突然去左一個好陰暗的地方, 可能係夜晚掛, haha~ o個到有好多人, 好迫, 好似有o的集會咁, 類似紀念中國64的晚會咁, 有好多民運人士 唱歌, 好傷感咁樣, 我都好傷感好激動, 仲係到喊添, 之後仲跟住佢地一齊行~

晚會完左, 我都準備離開, 行行下見到有間旅遊巴士, 我見到係頭先o個班民運人士, 我好想跟佢地一齊走, 所以就揮手, 佢地好樂意咁樣比我上車, 我一上車 好攪笑, 扮驚訝, 話:原來係你地呀~

之後冇lala架車變左做船, 我地變左係海上面~ 其中一個船員去左執行任務, 畫面一轉, 我見到o個個船員係一個類似遺跡的地方, 有一條綠色發光管狀係地下, o個個船員就係到拔緊佢出來, 我聽到佢話差少少, 不過因為時間夠, 所以任務失敗, 佢同條水管合體左, 變左怪物~ 之後佢回來襲擊我地, 畫面一轉去到船尾(類似艦艇), 因為佢之前係我地既船員, 所以好輕易就破解左我地既防線入左黎~

我同另一個人發現左, 就係船尾同佢搏鬥, 我地用紅綠光炮射佢, 但係因為佢本身都有呢o的成份, o的光穿過左佢身體冇效, 所以我地決定用藍色光炮~ 一輪爭持之後, 比我唔覺意打到佢, 但係都比我射到架船, 所以我地成船人都要棄船逃走~ 我地各人係到執拾自己的細軟, 我就拿左好多零食走, 見到有好多公仔, 最後只係拿隻青蛙公仔, 因為佢係屬於我同我老公的(現實我真係送左隻類似的公仔)~ 我總共拿左三個背包走~

鏡頭一轉, 講我地出現係香港, 我一望到, 就成個呆左, 因為居然回來我熟悉的香港~ 突然聽到有人大叫, 我o的同伴聽到後就好驚咁趴低晒~ 應該係民運人士怕 比人捉~ 不過時移勢異, 加上係香港, 民運人士已經唔會比人捉~ 突然我覺得好感慨, 我地既付出其實有冇成果呢?

下午同大佬去左書展~

7月26日---星期日(小太陽)

下午去左飲茶, 之後同老公去左買psp~ 然後再去教協~ 買左個攪拌器~

7月21日---星期二(小太陽)

一早去教琴, 個學生8月中就exam了, 所以我叫左佢下堂來我家學, 試下係唔同環境彈下~ 教完就去買「食送」, 今日煮「蕃茄薯仔魚湯」, 希望成功啦~

材料:
蕃茄 x4 (切粒)
薯仔 x1 (切粒)
魚尾 x1 (煎好兩面)
瘦肉 x1 (切薄片, 用生抽, 糖醃好)

將魚尾同瘦肉放入煲煮熟, 之後放入真空煲, 煮到o的魚肉爛晒之後, 隔開魚同湯, 然後放蕃茄同薯仔入去~

7月20日---星期一(小太陽)

今日係最後一日的返學天, 明天開始就放暑假了, 真係開心~ 上半段的時間係分享會, 係比之前有進修的同事分享下佢地進修時的感受之類, 另外仲有新高中課程的分享, 同埋言語治療師的分享~ 下半段即係11點幾開始, 就係聯歡會, 歡送布同曾老師~ 好多野食, o的野食好好味呢~

大約點幾我同湯就去左學生u的家, 因為要比回條佢呢, 上到去之後, 我地要佢著巴基斯坦的衫同我地影相呢, haha~ 坐左一陣就回家了~ 回到家就煮飯同教琴~

7月19日---星期日(小太陽)

今日唔駛教琴, 所以好遲先起身, 諗住今日睇harry, 上網睇到5點幾o個場仲有好多位, 點知去到買飛時居然冇晒~ 最後買左9點幾o個場~ 好彩住得近, 睇完回家應該都唔會過12點~

買完戲飛就去拿位子同爸爸媽媽飲茶, 飲完茶就回家休息~

7月18日---星期六(打風)

一早教完琴, 就同老公去愉景食三「食送」飯, 好味道~ 之後就出去tst做bodycheck, 星期六果然好多人, 等左差不多一個鐘先到我呢, 今次係照超聲波, haha~ 好快就攪掂了~

之後就去灣仔, 因為老公個眼鏡爛左, 所以要去配眼鏡~ 係mtr等埋99之後就一齊去, 因為識人, 所以總算係budget之內~ hoho~ 配完眼鏡就回99到, 係樓下食完野就上99家坐左陣, 仲封左好多野回家, 都係衫之類啦~ 即係回到家後又要執衫了~

7月17日---星期五(小太陽)

放左兩日假, 差o的唔記得今日要返學校添, haha~ 一早回學校就見到張table好多野好亂, 因為前兩日冇返, 但係又要搬位喎, 咪就咁放晒o的野係 table上面先~ 執左成朝, 終於執好, 宜家個位好整齊呢~ 好開心~

下午去左螢火蟲食lunch, haha, 前幾日食完先話唔會再來, 因為o的野食太細份了~ 都唔夠食, 點知今日因為有老師想食, 所以就來了~ 不過今日女同事比較多, 同埋岩岩好6個人, 所以o的野食都ok夠啦~ hoho~

4點鐘我地就搭的士去郭老師屋企, 今日係歡送布同曾老師的bbq聚會呢~ 布魏詹黃湯一共5人岩岩好一架的士, 很好呢~ 去到之後就同郭老師隻狗女妹豬玩, 又影左好多相, 其中更有一o的係o靚模的相, haha~

之後我地玩左陣「自己作的猜猜畫畫」, 好好玩呢~ 玩到咁上下就去bbq~ 有好多人一齊bbq呢, 不過個天台好大, 所以都唔覺好迫~ 大約食左幾輪香腸, 幾粒芝士丸, 幾塊包包後, 我就返去樓下休息, haha~ 大約10點幾就散了~ 我地分開幾批人叫的士, 有火車線, 元朗線同沙田線, 我係沙田線, 好耐呢, 等左差不多一個鐘先有車~ 其他o個o的一早就走了~ 回到家差不多12點呢~ 不過都早過老公喎, haha~ 我入屋後大約幾分鐘, 先到佢回來~

7月15日---星期三(小太陽)

今日放假, 好開心, 唔駛早起身~ 不過10點要教琴, 所以9點幾就起身了~ 教完琴之後就回家再教琴~ 下午食左個杯麵, 岩岩食完, owen就打來了~ 原來佢已經到左tw, 佢早左成個幾鐘來呢, haha~ 於是我借左個notebook比佢玩, 我就教琴, 因為我仲有一個學生呢~

之後我地去左xx山琴行買左個小提琴~

7月12日---星期日(中太陽)

朝早教完琴之後, 仲係好早, 所以再訓過, 一訓就差唔多成點先起身~ 之後去旅行社交返O的資料~

我:「不如搭15-23樓O個架升降機啦, 呢到冇13同14樓架, 係15樓落一層就到11樓, 好快~」
老公:「是但啦~」
我:「就咁話啦, 好過1-11樓呢部, 咁多人一定層層停~」
老公:「好呀~」
...
(路途中)我:「拿, 你睇下幾快~」
...
打開防火門, 見到永安...
我:「其實我地應該去康泰, 係6樓...」

最後我地再由11樓行落去6樓交資料~ 跟住再去MTR比隻XP碟比爸爸, 因為佢個隻碟花左用唔到~ 下午去左佐敦飲茶, 飲完茶就行去科學館, 睇糖果嘉年華~ 以為好快睇完, 點知都逗留左好耐, 因為裡面仲有其他展館~ 雖然睇過幾次, 不過一場來到, 睇多次先~

睇之後都係時候食晚飯, 去左附近的茶餐廳, 食左個炒公仔麵~ 然後就回家了~

7月1日---星期三(中太陽)

今日回歸日, 訓到11點幾先起身, 食左少少野之後就返爸媽家, 買左o的批上去比佢地食~ 佢地同7伯娘, 4伯娘, 5姑媽打緊牌呢~ 食左碗紅頭沙後就同老公旅行社拿資料, 然後一邊食野一邊睇下join邊間去好~ red ant個大腸米線真係多大腸, 食唔晒呢~

食完野行左一陣就回去康泰報團, yeah~ 去九寨溝~

top

6月30日---星期二(小太陽)

今日要當值, 下午同同事食完「千之壽」就回去當值, 去左多用途室睇「魔女宅急變」, 上次未睇完, 今次繼續睇, 不過都未睇 晒, haha~ 回家後唔想煮飯, 所以打比老公話佢知我想食壽司~ hehe~ 大約8點老公就回家了, 好早呢, 於是一齊去元氣等位~ 好快就有位了, 好味道~

6月29日---星期一(小太陽)

今日唔駛當值, 可以專心做下野, 下午同同事去左飲茶, 飲完茶回學校做左一陣野就3點鐘了~ 回到家教完琴就準備晚飯, 估唔到變左4「食送」一湯, 真係誇張呢, haha~

難得今日老公7點半就回到家, 食完飯都係8點半多, 所以就去左千色店行下, 買左好多野呢~ 有風扇, 磅, 搾汁機~ 回到家後立即就試下個搾汁機, haha, 用左差唔多成包甘荀先整到兩小杯呢~

6月27日---星期六(小太陽)

今日星期六, 不過都要回校聽talk, 9點半去到11點半, 差不多兩個鐘呢~ 不過講talk o個位袁先生都幾風趣, 所以時間不知不覺 就過左~ 聽完talk就回tw, 同老公去左食三「食送」飯, 好味道~ 之後就回家教琴~ 晚上回娘家打牌, 叫pizza食~ 老公今日運氣 真係麻麻, 打左四圈都冇食過糊呢~ haha~

6月26日---星期五(no.3)

今日出門口又係唔記得帶遮, 落巴士後行左一半路就開始落雨, 好彩件風褸都可以擋下雨, haha~ 回到校, kk問我access, 好彩basic野我都仲記得少少~ 9點半又開會, 真係怪, 因為琴日校長先話今日唔會再開會, haha~ 一開就開到11點幾, 之後同芬芬練刷牙, 12點就去食飯, 食完飯後出問口, 居然撞左去玻璃門到~ 好痛呢, haha~

1點要去音樂室當值, 見到隻「魔女宅急便」, 於是就播比學生睇, 出奇地大家都好留心, 好乖好靜咁欣賞呢~ 真係好~ 睇左半個鐘, 諗住聽下歌啦, 點知有幾個仔就開始 頑皮, 於是我又睇返「魔女宅急便」, 又靜返晒, haha~

3點鐘就走人, 一回到家發現琴房隻窗開得好大, 我地平時一定唔會咁開的, 原來被風吹開左, 成個窗台好似水浸咁, 丫~~~~~ 好彩有返強力吸水布, 攪左一陣就攪掂了~ 我以後出門都會lock實o的窗, haha~

今日教好多個呢, 好耐未試過一連教5個了~ 之後就同大佬去左食小巴黎, 食完野就去左買果汁飲, 然後就回家睇高達00, haha~ 下個week開始高達00會9點半做呢~

6月25日---星期四(小太陽)

今日都係放半日, 12點後就搭巴士去tst, 1點左右去到診所拿report, 大約等左20分鐘就到我, 一切正常, hoho~ 原來我係ab型呢, 我一直都以為自己唔係a就b, 原來唔係, haha~

拿完report就回tw同爸爸媽媽去左潮江春飲茶~ 爸爸因為唔舒服所以請左假, 所以可以一齊飲茶, hoho~ 飲完茶就去左百佳買東東, 回到家先發現唔記得買肉碎~ 於是教完琴再去買~

6月24日---星期三(大太陽)

琴日edb宣布左小學, 幼稚園同特殊學生提早放暑假, 不過今日仍然要返學, 因為呢o的係學生的假, 唔係老師的假呢~ 因為咁學校都要開會, 我地要返到7月21日, 如果冇特別事就3點可以走人~ 都唔錯啦, haha~

今日放半日, 12點就走人, 同陳, 詹同許去左greenbox唱lunch k~ 太耐冇去喇, 連個remote點用都唔識~ 我地由12點半唱到3點半, 其間ms陳因為約左人, 所以大約2點就走左lu~ 唱完就回家執屋, 因為芬芬話放工後來參觀我間屋呢~ 時間岩岩好, 執完之後去埋mama到拿湯, 芬芬就來到tw了~ 我接佢上來之後, 就周圍睇下, 然後睇下相咁, 6點幾就一齊去食大腸米線, 好咪道~

夜晚陪老公去大家樂食, 之後回到家我覺得肚餓, 所以又整左個福字麵食, 同老公一人一個~ 呢排好胃食呢, 唔要得, haha~

6月21日---星期日(大太陽)

朝早教左一個琴, 休息左一陣就出發去帝苑食自助餐, 好味道~ 我食左兩個海南雞飯呢, 不過其中一個係飯only~ haha~ 原來食完左有支紅酒送呢, 我地有兩支, 爸爸一支, 老公一支~ 係細細支的, 唔係好大支~

之後行去碼頭搭船去中環, 好熱呢~ 去到中環再找船搭, 我地唔知點解向住7號碼頭行, 好似覺得7號就岩, 其實唔係囉, 一問之下, 原來係 3號呢~ 上到船就訓, 大約半個鐘就去到愉景灣~ 真係好熱呀~ 第一時間就入去屈臣士過冷河~ 行左一陣, 6299佢地都入來了~ 我地立即比左支紅酒比62, 輕晒~ haha~ 我地就一齊行左沙灘一round, 再去永安行左一round, 大家都好熱, 所以就去zaks餐廳~ 食到8點有煙花睇, 不過出面有o的樹同遮遮住左, haha~

9點搭船回去, 再搭mtr回家~ 今日真係好累呢~

6月20日---星期六(大太陽)

一朝早就返到學校, 都未夠鐘就話要集合了, 影左張大合照, 派埋旗袋就出發賣旗~ 我地負責的地方都唔係好多人流, 企左幾個地方都唔係好ok, 所以我就一邊行一邊 睇下邊到好o的, 不過去左好多地方都未能落地生根...

最後我去左元朗廣場隔離, 幼稚園, 賣腸粉o個到, 雖然唔算好多人, 但係keep都會有人出出入入, 都算ok呢~ 賣腸粉o個幾位阿姐好攪笑呢, 亦都好好人, 幫我買左兩支旗~ 佢地話:

女人甲:「o的人要佢拿一蚊買支旗都咁辛苦」
女人乙:「咁你又唔買?」
女人甲:「我做緊野, 冇錢係身呀~ 一係你幫我拿啦~」
女人乙:「好呀!」
女人甲:「阿妹你過去拿錢啦~」
我:「咁我貼左比你先啦~」
女人乙:「阿妹你要貼係佢個咀到我先比架~」
我:「下? 咁...」
女人甲:「怕你呀, 阿妹過黎, 貼落我個咀到啦~」
我:「哦... 咁好啦~」

另外有位男士話「離完我已經見到你釘住我!」

亦有一位c奶話:「waa, 我都未找到錢你就貼比我喇, 你唔怕我冇錢咩?」
我:「真係冇錢都唔緊要啦~」
c奶:「有o的人唔係架, 見你有錢先肯貼比你架~」
我:「多謝你呀~」
c奶:「唔晒多謝, 我多謝你先真啦, 你幫手賣旗~」

差唔多11點我就賣完晒了, 於是就走去睇下同組的人賣成點~ 佢地仲未賣完呢, 因為人流真係唔多~ 11點幾我同polly去交旗袋, 因為魏sir話好多都去交了~ 交完之後就回家, 因為約左2點半要教琴呢~ 回到tw大約12點, 同老公去愉景食三「食送」飯~ 今次有意粉呢, 好味道~ 之後就回家了~ dinner同埋爸爸媽媽一齊食 小巴黎~ 8點幾陪佬食元氣, 老公就去剪頭髮~ 陪完細佬食野, 就再同老公去友記食甜品~ 食左個綿綿冰~ 都ok啦~

6月19日---星期五(小太陽)

琴日執完自己個位, 今日就執班房, 一執之下真係好多雜物呢~ 有o的仲係前兩年留落黎的~ 真係唔知點算好, 最後o的衫比晒阿姐, 其他雜物就唔要~ 另外, 最亂的就係比阿sir放數學教具的櫃, 如果只係叫佢自己執的話, 我諗佢實唔理我者, 所以我就幫佢搬晒出來, 叫佢放返好去教具室, haha~

3點幾開始五常法檢查, 我同陳主任用左一約一個鐘就攪掂了~

6月18日---星期四(小太陽)

仍然停課中, 寫晒成績表, 暫時未諗到有咩要做, 所以就執下個位~ 右邊個櫃一向都好整齊, 所以好快攪掂~ 左邊個櫃真係唔多想執, 打開左一半已經想close返佢, haha~ 不過都係要執~ 本來成個教員室得我一個係執緊野, 點知執執下有幾個老師都比我感染到, 一齊係到執野~

lunch同詹去左元朗廣場食野, 本來想去食意粉的, 不過又係冇開門, haha~

6月16日---星期二(小小雨)

今日係停課第三日, 9點前回到學校~ 繼續做埋o的成績表~ 下午同一眾老師去飲茶~

6月15日---星期一(小小雨)

今日係停課第二日, 不過我地都係要照常回校, 今日好多會開呢, 開左4個會, 仲正式成為左五常法小組成員... 連lunch都冇時間食~ 本來諗住寫成績表的, 不過都冇心情做, 都係拿個notebook回家慢慢做~ 大約5點鐘走人, 有miss call, 原來大佬想約我係元朗食飯, 不過我走左, 所以都係下次先啦, 等唔到咁耐呢, 最後我地約左係tw食~

6點幾同大佬去左食板前, 岩岩坐低, 阿grace就打來, 於是我地換張大少少的table, 等埋佢來一齊食~ 本來諗住早o的食完早o的回家做野, 點知一食就去到9點了, 之後我就去佰佳買野~ 然後再回家做成績表~

老公今日約左舊同事食飯, 所以好夜先回來呢~

6月14日---星期日(小小雨)

今日老公好聽話呢, 居然主動話著涼鞋出行, haha~ 下午去左花園飲茶, 之後同老公行去tst, 途經九龍公園, 所以入去行左個round, 睇下雀同花咁~ 行完公園就去左拿wellcome coupon價值200大元~ 然後就去帝苑酒店比訂, 因為book左父親節同爸爸mama食lunch自助餐~ 好期待呢~ 唔知o個日有冇 海南雞飯食呢, hoho~

攪掂晒o的野後就回家, 休息左一陣之後就行tw, 買下野咁~ 我地買左個天使蛋糕回家慢慢吃, haha~

6月13日---星期六(小小雨)

朝早教完琴, 就同老公搭巴士入屯門, 因為今日要聽一個關於敲擊樂的講座~ 入到去都差不多兩點半, 我地去左茶軒食lunch, 其實已經係tea, haha~ 之後去到大會堂時間岩岩好3點, 加上有ms郭幫我拿位子, 所以不設劃位都放心晒~ 個talk 大約4點9就完, 其間我同ms郭仲比講師叫左出去示範~ 都幾好玩呢~

聽完之後就回tw, 去左tom lee睇左陣野之後, 就去碌林食「任叫任食」, 好味道, 埋單用埋o的cash dollar, 原來有差不多100完的cash dollar~ 呢餐好似好平咁呢變得, haha~

6月12日---星期五(小小雨)

今日係停課的第一天, 大約有10個學生係學校, 所以都要有幾個老師要去當值~ 雖然唔駛上堂, 不過就開左三個會~ 其中一個分享會, 講五常法的~ 對於我呢o的完全未接觸過的人來說, 個分享會都幾有用~ haha~

常組織, 常整頓, 常清潔, 常規範, 常自律~

下午同湯湯, 芬芬, ball叔去左食意粉, 好味道~

4點幾就走人, 回到家5點鐘, 教完琴後就休息~ 大約9點就會合大佬, 我諗想食元氣, 點知去到見到唔少人, 所以去左元綠, 點知仲多人, 跟住去左板前, 一樣多人, 別府又係要等, 最後都係去返元氣, 等左一陣就有位了~

食完之後就繼續傾下計, 大約10半左右就走了~

6月11日---星期四(大大雨)

今日上小三班音樂, 諗住用琴日整好的ppt, 點知音樂室個電腦太唔掂了, 所有效果都出唔到~ 好傷心呢~ 之後上小二時我用左自己個notebook, 效果唔錯呢~

下午收到消息話停課, 真係麻煩呢, 始終都係難逃一劫~ 就係因為咁, 放學又要開緊急會議~ 因為要停課, 應該有排都見唔到o的學生, 所以係禮堂同o的仔玩左一陣, 好唔捨得佢地添, haha~

開完會後就開始打電話比家長, 通知佢地, 打完都6點幾了~ 不過都趕得切去教琴喎, 真係好彩~ 教完琴9點幾就約埋老公上mama家飲湯~ 之後再去越棧食dinner~

6月10日---星期三(小小雨)

放學後校務會議, 所以冇去到discuss飯局~ 希望下次可以參加到啦~

6月9日---星期二(小小雨)

放學後同kk傾左一陣網頁後, 就去左音樂室找音樂, 因為我個ppt仲差o的音樂先攪掂, 咁岩入到去見到toto同kevin錄緊音, haha~ 於是我就客串幫手錄左一隻「白馬可愛」~ haha~ 唱完之後toto情不自禁咁「wa」左一聲, 好好笑~ 入咪呢~

6月4日---星期四(小太陽)

今日一放學就走人, 因為約左5點鐘去到mk驗眼, 4點唔夠就去到巴士站, 點知等左好耐先有車, 好彩都5點鐘岩岩好去到~ 去到之後就填返o的資料, 然後就滴眼葯水, 因為要放大瞳孔驗眼底~ 滴完之後就等, 都等左好耐先得呢, 其間仲要補滴多一次~

入到房見e生, 都未開始驗, 就同我講, 話其實最好年年都驗眼, 加上我之前做過手術, 就更加要年年驗, 我就係咁點頭~ 驗眼過程都幾辛苦呢, 不過好快就攪掂, e生話我無事呢, 至於o個o的黑點, 佢叫我當見唔到喎... 但係明明就係到... 佢話比o的眼葯水我, 如果滴完都仲係有的話, 都係當見佢地唔到咁話... haha~

睇完眼就搭mtr回tw教琴, 遠野都好o的, 不過近野就真係睇唔到呢...

6月3日---星期三(小太陽)

今日終於打電話去約時間驗眼, 不過wingwnig比我o個間要排到9月先有得睇, 我心諗, 如果真係有事, 等到9月可能已經盲左了~ 於是都係打返去我之前做手術o個間, 真係好呢, 明天就可以睇了~

6月2日---星期二(小太陽)

今日整左中式雞柳~

top

5月31日---星期日(小太陽)

朝早教完琴就出去牛頭角同老公的婆婆飲茶~ 本來老公應該出門口先, 但係我差唔多教完琴佢都未出門口, 所以佢直頭等埋我先一齊出~ 我地搭小巴, 唔駛20分鐘就到左lu~ 去到之後我就去搵位先, 老公就上去婆婆到接佢落黎~ 點知婆婆話好飽唔一齊飲茶~我地飲完茶之後, 就打包左o的野食上婆婆到, 坐左一陣就走了~

回家時經過千色店, 買左對拖鞋, 好開心~ 我以前係屋企成日都唔記得著拖鞋比媽媽話, 不過宜家搬左出來, 就反已成日著住對拖鞋, 真係怪呢, haha~

dinner去左荃廣附近食上海野, 之後去左百佳入貨~

5月27日---星期三(小小雨)

今日綜合科專題研習, 我地班抽左係整羊的圖畫, 琴日放學已經同湯老師討論左點整, 之後仲一齊整左個幅, 睇下得唔得~ 我地用白膠張塗係o的紙上面, 然後再將o的木糠粉同彩砂倒落去, 效果好好呢, haha~

lunch本來出去食的, 點知彰彰發脾氣, 所以就遲左離開課室, 都趕唔切出去食, 唯有留係學校啦~ 好彩有同事幫我買左個三明治, 如果唔係就好肚餓了~

第678堂就係綜合科專題研習, 其實我第67係空堂, 第8堂先要落去, 不過呢o的咁好玩的活動, 緊係要同o的仔一齊渡過啦~ 結果我同湯湯678都一齊留係小三班~ 真係好好玩呢~ 不過期間梓梓發脾氣, 出左課室處理左一陣, haha~

放學後就見心理學家, 傾下梓梓發脾氣的問題... 之後打左比電腦公司跟進購買事宜, 因為梁sir去左進修, 所以我就follow一下~ 大約5點就同so老師餞行, 有李sir, 我, koey, candy, 陳老師, 我地6個人去左食b仔, 原本魏sir都來的, 不過佢要看a3線, 所以佢來到時我同koey, candy, 陳老師都走左了, haha~

回家途中係隧道裡面, 巴士突然一聲巨響, 原來爆tie呢~ 冇記錯的話, 呢次係我第二次經歷爆tie~ 第一次好似係屯門公路~ 回家後就繼續經營facebook的餐廳, 我要o的food去到level 10呀~

晚上dinner食琴晚整的咖哩汁~

5月26日---星期二(小小雨)

下午興趣堂因為candy冇返, 所以同曾老師一齊上, 今日o的仔真係... 好混亂呀~ 有一個成日沖出來抓人, 另一個就企chair, 仲有一個就發脾氣係咁自殘, 上完呢兩堂真係得返半條命... haha~

明天有綜合科專題研習, 要整掛畫, 大家都好似好花心思咁, 於是我同湯湯就研究下明天應該點整, 攪攪下都差不多6點先走人~

回到tw後就去左wellcome買材料, 之前係jusco買左盒咖哩, 所以想試下整呢~

5月19日---星期二(小太陽)

今日放學後去左tst, 時間岩岩好呢, 6點半去到~ 今日約左做body check~ 唔夠30min就走得人lu, 個謢士手勢唔錯呢, 抽血一o的都冇難度, 個傷口得一粒好細的紅點~

5月18日---星期一(小太陽)

今日下午同杜老師食lunch, 因為茶餐廳太多人冇位, 所以我地去左元朗劇院食~ 好好笑, 我地叫野飲, 我叫左杯熱野, 杜老師就叫左杯凍野, 我話杜老師唔乖, 因為飲凍野唔好, 點知隔離個女人好同意我講法, 仲好語重心長咁同我地講飲凍 野真係唔好~ haha~

放學後好累呢, 個頭開始痛, 不過都有煮飯食~ 今日整左麻婆豆腐同埋豆豉雞肉, 我覺得都幾好味呢~

5月11日---星期一(小太陽)

今日應該係我同老公拍拖7周年, haha~ 不過冇特別慶祝, 因為佢實在太夜先放工回來了~

5月5日---星期二(小太陽)

今晚又係好遲先走, 不過都係煮左飯, 因為有o的豬肉係雪櫃, 唔想放咁耐~ 今日我終於整左我自己好鍾意食的 「糖醋排骨」, 唔難整, 不過期間成日要睇住個火, 所以有o的麻煩~

材料:
肉排 x 3條
酒 x 1湯匙
白醋 x 2湯匙
糖 x 3湯匙
老抽 x 4湯匙
水 x 5 湯匙

做法:
將肉排切件, 和調味料一齊放晒入個煲裡面~ 因為o的水一定浸唔晒o的肉, 所以要時不時反下佢地, 等佢地入味同埋唔好煲乾水~ 如果見冇咩水, 咁可以加水~ 煮到o的肉變深啡色就得了~

製成品:

另外仲整左蒸蛋同埋蒜蓉粉絲~

5月4日---星期日(小太陽)

話說kaywong.com的hosting係5月6日就會到期, 而我老公的hosting亦都會到期, 不過佢又唔係成日用, 但係佢又想 keep返個email, 所以我就唔續kaywong的hosting, 將我的移去我老公o個邊, 再做埋forwarding, haha~ 好野, 比少一個account的錢呢~

5月3日---星期日(小太陽)

朝早教完琴, 都只係11點幾, 真係好, 入左張票同錢後就回家~ 原來老公已經換晒衫等緊我我, 於是我換對鞋後 就一齊出發去mk潮流飲茶~ 今日帶左99送的十字架頸鍊, 都幾靚呢~ 不過原來好貴, 好似成7千幾元, 仲要係50%off後的 價錢, 條鍊仲要係另外造的~ 99對我真係好, haha~

飲完茶就去搭火車, 今日約左去ms郭家, 係粉嶺, 都幾遠呢, 不過由mk東站出發, 30min都唔駛就到了~ 會合左mc姑娘之後就等布老師, 佢唔係好識路, 所以係粉嶺的某一個位置搭的士來, 粉嶺都唔細呢, 都等左一陣先見佢來到~ 之後就一齊打的去ms郭home~

雖然好遠, 但係環境好靚呢, 空氣又好喎~ ms郭的狗狗好得意呢, haha~ 之後我地玩「猜猜畫畫」, 原來真係好好玩, 我同布老師一組~

大約5點左右就bbq, 因為o的病仲未清, 所以我就唔bbq, 不過都食左ms郭極力推介的「豆腐卜」, 真係幾 好味呢, 另外仲食左兩條台灣腸, 正呀~

大約6點幾, 我同mc姑娘走先, 因為佢要去飲, 我就返去同老公食dinner~ 老公今日約左人係太子打波, 所以我就約左佢係新世紀等, 之後行左一round旺中, 諗住買記事book~ 點知一本就找唔到呢~ dinner去左元綠食~

top

4月29日---星期三(小太陽)

今日煮左個茄汁肉醬意粉, 我自己覺得好好味呢~ 另外仲整左o的焗薯, 不過就麻麻地, 唔夠「林」呢~ 下次都係切片好了~ haha~

製成品:

4月27日---星期一(小太陽)

我發左個夢, 夢見我係個學生(我學校o個o的), 咁見到某某做左o的野, 想告發佢, 點知比佢發現, 仲調轉頭 比佢屈, 話係我做的~ 我想解釋, 但係我無奈冇人明我講咩, 我個心好清楚自己想講咩, 但係表達唔到~ 之後見到個類似係郭老師的人, 我見到佢覺得有一絲希望, 因為佢係我班主任, 應該會明白我的~ 點知佢都係唔明, 我好傷心, 係咁喊, 係咁對住佢講「希望」, 意思係「佢係我唯一的希望, 希望佢明白」~ 不過佢都係唔明, 嗚嗚嗚~ 好傷心呀~

醒左之後, 我知道天主又係到提醒我, 回應我~ 我會再細心咀嚼學生的每一個字架喇, haha~ 有時佢地有o的野想表達, 但係就因為能力有限, 表達唔到, 令到我地誤會左, 導致處理不當, 所以我地要更加細心去了解佢地~

回到學校見到o個個學生(夢裡面o個個), 都有o的觸動添...

4月26日---星期日(小太陽)

朝早教完琴, 下午同老公去左中染o個邊食意粉~ 食完野回家休息, 然後再去mk整電話, 等左半個鐘先到我地, 又係話明天有得拿, 不過明天應該都唔會去的了~ 睇下幾時再去啦, haha~

之後我地就出發去六國酒店, 因為今日有家庭飯局, 老公個表妹生左對孖仔, 今日請我地食飯~ 阿大孖真係大舊o的, 仲黑黑實實咁, 有o的似劉青雲咁呢, haha~ 阿細孖就細粒o的, 成日喊, 有o的頑皮咁~

4月25日---星期六(小太陽)

琴日睇左e生, 食左一日藥, 不過都冇好轉, 今朝起身都係好唔舒服呢, 唯有請假啦又, 因為今日係教師發展日呢~ 打左個電話比校長, 不過有人接聽, 所以就打左比彭副校~ 不過隔左一陣, 校長打返比我, haha~

我老公一向都唔主張食西藥的, 加上食左o的藥都冇咩效, 所以佢唔比我食呢, 唯有飲水同埋維多c啦~ 增強體抗力, 都岩既, haha~

下午去左愉景睇bb野, 因為明天有飯局, 老公個表妹生左對孖仔~ 最後我揀左兩本for bb的書仔, 好得意架, 軟綿綿的, 有一本係「相機」的形狀, 裡面可以放相的, 另一本就係有o的手肌訓練同埋感知的東東, 好岩小朋友仔玩呢~ 不過要等bb大個少少先岩玩~ haha

雖然病左, 不過好早之前約左班姊妹同細佬上來我home坐坐, 咁難得約齊人, 所以都照來啦~ 係樓下食完野之後, 我地就一齊返home, 睇返結婚o個o的dvd, 好攪笑呢~ 差唔多12點先走~

4月24日---星期五(小太陽)

今日朝起身, 唔舒服, 個頭好重同埋好痛, 成身都好痛, 於是就請病假了~ 諗住訓下啦, 點知痛到都訓唔到, 於是去左睇e生先, 我同e生講, 話星期一開始喉嚨痛, 跟住e生話「你星期一發現喉嚨痛, 但係今日星期五架喇喎~」 佢話如果休息左兩日都未好的話, 應該快o的睇e生喎, haha~

之後去左mama到, 食左個麵之後就食藥, 睇左一陣tv就回家了~ 回到家就繼續訓覺~

4月22日---星期三(小太陽)

放學教完琴就去左wellcome買東東, 今日整魚香茄子, 蜜糖腸同埋炒菜~ 老公話唔會太早回家, 我問佢會唔會12點幾, 佢 話唔會咁夜, 所以我就等埋佢先食, 但係等下等下10點幾都未有電話返來, 打比佢又冇人聽喎, 打去公司一樣冇人聽, 真係好擔心呢, 11點幾又打下, 都係冇人聽, send sms又冇回音... 原來佢唔記得set返做響機, 聽唔到電話響~ 最後成12點幾先回到家食飯~

4月20日---星期一(小太陽)

放完假要返學了, 精神都算唔錯, 不過講左成日野後, 居然feel到把聲沙左, 同埋有少少喉嚨痛添, 要飲多o的水先得~

4月14日---星期二(小小涼)

今日唔駛出去教琴, 又唔駛買野食, 加上要整website, 所以成日都冇落過街呢~ 我諗呢個easter假期的後半part, 都係 要望住個note整website的了~

4月13日---星期一(小小涼)

今日5點鐘, eden朋友仔會上來我家呢~ 所以要執一執屋先得, haha~ 雖然我家冇野玩, 但係班eden友吹水能力非常之高, 講下講下都8點幾9點了, 之後一齊去左中染新城食左一間類似pizza hut的東東, 價錢都ok喎, ii冇介紹錯~

4月12日---星期日(小小涼)

今朝早一朝就要去拜山, 好彩琴晚唔係攪到好夜, 如果唔係真係會好累呢~

4月11日---星期六(小小涼)

終於到左領洗的大日子, 不過心情都唔係話好緊張, haha~ 因為趕住要7點去到church, 所以都未食飯~ 諗到唔知幾時先有得食野, 都有o的擔心, 因為我太肚餓時會腳軟同頭暈的~ 我同o的教友講話我未食飯, 點知佢地仲緊張過我呢~ 因為上次避靜, 我又係餓到腳軟同食左3碗飯... 呢件事我諗佢地永遠都唔會忘記, haha~ 好彩leo個代母同我買左份三明治, mary(haha, wendy的聖名)好緊張, 叫leo一定要買野比我食, 怕我會暈低~ haha~

7點幾老公, 6299, 7伯娘(我代母), mama爸爸都來到了, 我同代母就一齊坐係後洗者區到~ 儀式一開始係熄晒燈的, 雖然有蠟燭係手, 不過太大風了, 好快就熄了, 幾經辛苦先再點返, 不過用蠟光睇都唔係咁容易, 所以都係聽算了~ haha~

不知不覺就到左領洗的一刻, 我同wendy係門口見到裡面領洗的情況, 心情變得好緊張, haha~ 輪到我了, 神父叫我用手鍊住個鼻, 不過個輔祭就叫我雙手放係胸前, 咁我諗一諗, 緊係聽神父話啦, 點知神父身手都幾快, 我一鍊住個鼻佢就開始了, 我都 未有時間吸氣呢~ haha~ 之後就去左換衫, 出來就同family影相~

返入聖堂後就繼續儀式, 大約11點幾就攪掂了~

4月10日---星期五(小小涼)

11點接左個學生上來學琴, 教完佢之後又送返去落樓下~ 中午同老公去左m記食, 因為我想食shake shake, haha~ 食完就回家了~ 大家彈左一陣琴, 見時間差唔多, 於是我又出門口了~ 時間岩岩好, 3點鐘準時去到church, 今日係拜苦路的儀式, 4點幾就完了~ 同教友去左大家樂~ 本來諗住走人架喇, 但係o的教友唔比我走, 仲用埋「食物」 引誘我~ haha, 最後我食左少少野就走了~

回到家同老公睇左陣tv, 係明朱台o個o的小朋友卡通, 不過真係好好笑~ 之後仲睇埋天然少女, 佢哥哥真係好鬼衰格咁~ 不過真係幾好睇~

睇完tv就去左citywalk行左一陣, 之後就食飯, 因為上海婆婆好多人等緊, 所以就去左隔離的大家樂~ 食左個豬扒飯~ 以前我地出街好少去快餐店食, 因為難得拍拖出街食飯麻, 緊係想去o的可以慢慢食, 坐耐o的都唔會有人係後面等位的地方啦~ 不過宜家要儲錢麻, 快餐店都係一個好選擇~ 加上今日趕時間~ 最緊要係快~

食完之後行返屋企, 不過見時間差唔多, 所以我就正接搭車去church了~ 今日個儀式都幾長, 我都係第一次參加~ 大約10點幾就走了~

4月9日---星期四(小小涼)

今日小一試讀班, 要返去幫手, 今日o的小朋友大部份都好乖好叻呢~ 排隊左好過我宜家o個班小三, haha~ 好多都好可愛呢~ 今日都唔醒食lunch呢件事, 唔係湯老師問我, 我都唔記得左有lunch時間~ 咁岩魏sir又係 我o個段時間free, 所以就一齊食lunch了~ 本來想食好好味o個間意粉的, 但係今日居然休息~ 最後去左「紅磚」 食, 見到個menu有雙拼, 先醒起呢間野之前同楊sir食過一次~

放後後就入評估, 好煩呢, 要click來click去... 大約5點幾就走人, 個心都15/16唔知出唔出mk好, 整一整個電話之後就返tw, 好似好無聊咁, 諗住睇下有冇人可以陪me, 不過都唔知打比邊個好, 原來我係冇朋友架, haha~ 同埋呢個時間, o的朋友都 未放工啦~ 最後打左比細佬, 原來佢今日請左假, 係tw教緊結他, haha~ 雖然佢出唔到來, 但係佢就問我食唔食dinner~ 真係好呢, 橫掂今晚我都free~

出到mk, 等左15min左右就ok了, 明天就有機可以拿了, 效率真係快~ dinner同細佬去左味千食拉麵~ 之前去過板前, 南翔, 別府, 元綠等地方, 但係全部都好多人等緊位~ 出奇地味千係冇人等囉~ haha~

食完野就買左支野飲, 同細佬上平台傾左一陣, 大約10點我就回家睇鍊金~ 細佬真係細膽呢, 因為岩岩佢講完「發惡夢」的 內容, 所以唔敢自己行後樓梯走呢~ haha~

回到家入埋個評估, 真係入到發火呀, 因為係屋企開e-class好慢, 以前入音樂科, 入一次for一班就ok了, 宜家要個個學生咁 click入去入, load得快就話冇問題者, load得慢真係人都癲~

4月8日---星期三(小小涼)

中午教完琴, 就同mama去左意粉屋食tea, 有vip咭真係抵, 兩個人食都只係60幾元咋~ hehe~

dinner煮埋上個week買落的排骨, 飲埋琴日煲的菜乾湯, 同埋開左個茄汁豆食, 原來3月已經過左期, 好彩唔係太遲發現, 都仲可以食~ 老公一早打左回家話唔會早返, 所以我就自己食先, 但係我想做埋個工作紙先食, 所以攪攪下都成10幾先食~

4月7日---星期二(小小涼)

朝早係home教完琴之後, 就一直係家子裡冇落過街~ 專心煲菜乾湯~

4月6日---星期一(小小涼)

朝早教琴, 下午同mama去左大家樂食tea, 之後一齊去百佳買野, 今晚整手撕雞~ 正呀~

4月1日---星期三(小小涼)

朝早回校, 趕起份基金申請表, 諗住今日可以send出去, 點知原來要寫校長同我的「資料」, 咩申請基金都要 寫呢o的野架咩... 校長都覺得好奇怪, haha~

下午諗住可以慢慢食, 不過最後同埋魏sir一齊食, 所以都係要食「快」餐~ 放學後要填問卷, 開頭都好有心機的, 點知做到後面就... haha~ 其實我都好受人影響架, 見到其他人咁快, 我咪做快o的囉~

放學之後仲未走得, 因為要攪基金o的野, 攪攪下要用手指save低拿回家做呢~

top

3月31日---星期二(小小涼)

今朝起身, 個頭好似唔痛, 真係好~ 點知回校途中, 又開始痛了~ 好擔心呀, 我feel到呢隻頭痛會令我做唔到野~ 應該係作感冒的頭痛呢, haha~ 好彩wing wing比左兩粒葯我食, 過左一兩堂的時間個頭就好好多了~

今日係學校做到6點左右先走人, 7點回到tw, 先知個學生趕唔切來, 所以我叫左佢明天再來~ 本來講左話呢個 星期要做野, 唔煮飯的, 但係見時間都唔係好遲, 手痕煮左飯, haha~

3月30日---星期一(小小涼)

今朝出門口時, 跌左個電話落地下, 跟住就開唔返了... 回到校再拿個電話看看, 個電話發熱呢, 拿拿臨拿粒電出來~ 冇左個電話真係唔方便, 個電話係上年1月買的, 過左保養期, 呢排又忙喎, 都冇時間拿回se整, 自己又冇後備電話, 點算好呢...

放學後用學校電話打比家長, 因為未約實個時間學琴, haha~ 回到家打比mama, 問佢借左爸爸個舊電話用~ 晚上返完church就回家拿電話, 不過今日真係好累, 個頭超痛, 痛到想嘔呀, 回家拿完電話打比老公, 佢岩岩先放工回到 荃灣, 會合左佢之後本來諗住食左野先回家, 但係我個頭太痛了, 好想快o的回家, 同埋都冇咩胃口食, 於是就返家了~ 老公就自己煮麵食~

今晚我11點就上床訓了, 希望明天個頭唔好痛~

3月25日---星期三(小小雲)

今日係課統日, 唔駛上堂, 但係就要活動全日, 不過見o的學生玩得咁開心, 都係值得既~ 放學後開分享會, 諗住準時的話都趕得切去教琴, 點知超晒時... 所以我就搭西鐵回tw, 再轉搭的士~

點知上到車, 個的士大佬唔知我去的地方係邊, 仲要好話我唔識路, 話我比唔夠資料佢, 連街名都唔知咁話~ 我沉住氣, 用返佢的語調同佢溝通, 好似同佢好friend咁, 又暗串下佢, 我同佢講, 我都係去探人架咋喎, 點知 個街名呀, 你drive的士有經驗架啦, 難你唔到既~ 之後我又話係半山之類的地方, 佢話「即係lai城啦」, 我話唔同, 唔係海邊~ 之後我指住前面座山, 話大約係o個到, 佢話「車~ 咁你又話有山有水」, 之後我話「咩呀, 我話唔係海呀, 係你話係海邊 lai城o個到咋, 我話唔係架」~

最後我仲同佢講「你今次真係要多謝返我啦, 教識你多一個地方」, haha~

前排係人地個blog見到「蜜桃雞柳」, 好似好好味咁, 最緊要係做法睇落非常簡單, 於是自己心思思都想試下呢~ 屋企雪櫃仲有o的雞比肉, 所以只需要係百佳罐蜜桃~ 順手買左個洋蔥, 一陣整洋蔥炒蛋~

以下係blog友「愛麗絲夢遊仙境」提供的食譜~ 感謝感謝~

材料:
蜜桃 x 1罐(切小塊)
雞排 x 3塊(我用左雞比肉)

醃雞料:
生抽 x 半湯匙
老抽 x 1湯匙
黑胡椒 x 少許
生粉 x 少許

調味料:
水 x 2湯匙(用來開生粉用)
生抽 x 2湯匙
罐頭蜜桃水 x 1杯

做法:
1)雞排洗淨, 用醃料醃2-3小時備用
2)將所有調味料撈埋一齊備用
3)平底鍋內放油，雞排煎兩面至金黃色, 盛起隔去油
4)放入調味料, 蜜桃, 雞塊略煮, 即成

至於洋洋蔥炒蛋呢, 今次我冇落salt, 不過就用左李sir的建議. 用生抽代替, 效果真係幾好喎~

不過我隻手就因為呢餐飯而多左個水泡~ 唔係比o的油彈到, 而係比電飯煲頂噴出來的蒸汽整親~ 家居安全真係好重要呢~

3月19日---星期四(小太陽)

琴晚又係訓得唔好, 一到大約3點鐘就係咁咳, 跟住就斷斷續續咁訓下狂咳下咁, 真係冇覺好訓~ 因為病, 所以決定請假休息一天~ 以為可以訓夠啦, 點知又係咳下訓下咁, 唉... 12點幾正式起身~

見難得唔駛返學, 就去銀行改地址同埋拿張咭, 平時放學銀行都close了~ 第一站去citibank改地址, 好攪笑, 去到櫃面問, 佢話要去提款機隔離, 用佢地「黑色個電話」按2字, 就會有專人接聽... 我見兩部提款機都有人用緊, 所以就排隊等, 點知等左一陣, 有個保安話我知原來仲有第三個「黑色個電話」... 個櫃面都唔知點做野的...

之後就對資料啦, 都係對下咭no., id card no. 咁, 跟住佢問我...

「請問你個書院係咩?」
「下? 書院, 大學o個o的呀?」
「係呀~」
「咩我有寫咩? 城大呀?」
「唔係呀~」
「咁浸大囉~」
「都唔係呀, 呢~~~ 個英文係咩呢...」
「下? 咩呀?(我心諗, 咩英文係咩呀) 咁係邊年寫架?」
「2007年呀~」
「下? 我2007年唔係讀緊書架喎!!!」
「呢~~~ 係happy valley架間學校~」
「下!? 跑馬地呀? 我冇係香港區讀過書喎! 點會有間咁既學校呀?」
「... 咁我地對其他資料啦~」

關於o個間香港區的書院, 至今仍然係一個謎... anyway, 最後我改到地址就得啦~ haha~

之後去mtr o個間hs銀行, 佢話原來係荃灣分行, 唔係呢間, 咁我又行去另一邊, 點知o個間係眾安街分行, 又要再行遠少少, 幾經辛苦, 終於找岩分行拿咭~

下午時整左o的白汁, 都唔知係咪咁整既, o的汁好結實, 唔知汁囉... 不過應該都食得落肚掛... 晚上我同老公就係食呢o的自製白汁意粉了, 味道都唔錯呢~ haha~

製成品:

3月18日---星期三(小太陽)

琴日整唔成魚湯, 今日放學回tw就去左百佳買, 唔去wellcome了~ 買左一條魚尾, 仲有整魚香茄子的材料, 之後就 返家開始準備晚餐了~

豆腐白菜魚湯

材料:
白菜 x 1斤
豆腐 x 1磚(切件)
鯇魚尾 x 1條(洗淨抹乾水份)
薑(切片)

做法:
1) 慢火將魚尾煎香, 至兩面微黃即可
2) 煲滾水, 放薑, 豆腐, 滾起放魚尾, 大火滾最少15分鐘
3) 放白菜滾至菜熟, 下鹽調味即成

呢味豆腐白菜魚湯呢, 下次要再努力呀, 因為條魚煎得唔夠, 所以出唔到味~

魚香茄子

材料:
茄子 x 2條(切條)
碎肉 x 半磅(用糖, 豉油醃15分鐘)
李錦記魚香茄子調味包 x 1包
辣豆板醬 x 適量
蒜頭 x 3粒(剁成蓉)
蔥 x 1條(切細粒)

做法:
1) 茄子炒至略為軟身, 盛起
2) 下蒜蓉和蔥, 炒熟碎豬肉
3) 加辣豆板醬, 魚香醬, 下茄子炒勻
4) 加清水蓋過2/3材料, 蓋上鑊蓋, 煮約5-10分鐘至汁收
5) 用生粉水埋芡

製成品:

我一邊準備晚餐時都提醒自己要洗米,點知到最後都係唔記得左~ 老公差唔多回到家我先記得~ 本來可以做o的食完休息的~ 最後攪到11點幾先得, haha~

3月17日---星期二(小太陽)

之前買左o的芫荽, 不過都唔知用來整咩好, 所以今日就試下整個芫荽皮蛋魚片湯, 去左wellcome買材料, 點知冇我想要的 魚片囉... 冇法子啦, 芫荽皮蛋湯算了, 不過煮落好似冇咩味, 最後加左o的水餃同魚丸... haha~ 當濕下口啦~

o的水餃係星期日係附近的「民豐」買的, 好耐冇食過了, 以前細個成日食的~ 都幾好味架~ 所以就介紹比老公試下~ 大大隻, 又唔易穿, hoho~

製成品:

3月11日---星期三(都幾凍)

放學之後開會, 個分享會都幾有用丫~ 不過可惜我唔係教綜科, 如果係就仲好呢~ 開完會就走了, 回到tw大約6點鐘, 回娘家拿左幾封信, 之後就去百佳買東東煮飯食~ 大約7點半, wwf的人就來了, 一男一女, 男的係義工~ 都幾高大威猛呢, hoho~

家訪大約20分鐘就攪掂, 都係問下我平時點用電, check下我o的電費單咁~ 個女仔都幾靚呢, 好可愛~ haha~ 佢地走左之後, 我就繼續整野食, 今日整湯飲, 叫「五指毛桃湯」, 係之前99係國貨公司買回來的, 一包包材料的湯包, 好方便又易整呢~ 我自己加左幾條粟米~

然後就係再戰「薯仔炆雞翼」, 之前聽blog友話, 發左芽的薯仔成個都唔食得, 所以我就係百佳買左兩個新的, haha~ 仲買左o的蔥~ 另外仲整左幾條腸食~

老公今日比琴日早返, 大約10點3就回來了~

製成品:

今日心血來潮, 整左個banner~ 記錄住我地結左幾耐婚

3月10日---星期二(都幾凍)

今日我又打返比wwf, 同佢講我冇8月的單, 問佢可唔可以用其他方法, 例如乘返30日, 或者計個平均數~ 因為佢話唔到事, 所以要再回覆我~ 下午佢打返比我, 話可以收最低消費$30~ 同埋要來家訪~ 咁我緊係冇問題啦, 約左明天7點後來呢~

放學後開行政會議, 差唔多6點先走人, 好累呢~ 行行下李sir問我肚唔肚餓, 原來大家都好肚餓, 所以就買左個格仔餅食~

回到家就開始整野食, 今晚整去骨牛仔肉, 上次落得太多調味品, 所以有o的咸, 今次唔落咁多了~ 見老公10點幾都未回來, 所以我就煮定o的食物, 放入電飯煲保暖~ 我地成11點幾先食飯~ 洗埋碗都12點了~

製成品:

3月9日---星期一(都幾凍)

今日wwf又打來, 佢話收到我的fax, 不過發現張電費單只係收左幾日的錢, 所以要我比埋8月的佢~ 收左線之 後我就諗, 應該比唔到佢喎, 8月份都唔係我個名, 係上一首業住的麻, 都唔關我事啦, 同埋個 比賽係9月開始, 佢要8月的單做咩呢...

3月8日---星期日(都幾凍)

朝早冇教琴, 本來諗住9點起身整早餐食, 不過最後9點半先起身, haha~ 換完衫就出門口了, 今日要去church的甄選禮呢, 10點3要去到做綵排~ 11點開始~

下午去迎喜咁茶, 之後行左陣商務~ 上次去商務見到有本書想睇, 睇左開頭少少, 今日手痕睇左最後o個頁~ 之後我同老公講「我睇左結局, 唔駛買lu~」, haha~

3月6日---星期五(都幾凍)

今日係學校去「麥里號夫人渡假中心」日營的大日子, 聽落去好似好好玩咁, 不過要拖住o的仔行都真係 唔講得笑, 加上我個班唔係個個都有家長跟... 不過總好過上堂呢~ 星期五有7堂~

我最鍚o個個仔仔扭計唔食飯呢, 仲唔肯行添, 不過其間佢都有好開心咁睇人玩足球機~ 我仲教佢玩氣墊球, 佢開心到成個衫袖都濕晒, 佢一開心就咬手指, haha~

抽濕機終於送到了, 好開心~ 多謝eden的朋友~

3月5日---星期四(都幾凍)

今日放學立即就去左做家訪, 我地搭私家車去~ 原來真係幾遠呢, 而且仲要上埋山添, 類似係山邊的鐵皮屋咁啦~ 不過屋裡面都幾整齊~ 我地差唔多3點9去到, 成6點先走人~ 好累呢~

3月4日---星期三(小太陽)

晚上煮飯食, 見仲有幾個薯仔係到, 所以就整薯仔炆雞翼~ 其實好早之前都想整架喇, 但係好多時都因為 有肉餅呀, 排骨呀呢o的東東, 就唔再整咁多肉~

其實個薯仔都放左好耐, 標晒o的芽出來, 於是我就掘深少少, 應該冇事掛, haha~

材料:
雞中翼 x 8 (洗淨斬件待用, 加入糖, 生抽, 薑汁, 肇酒醃)
薯仔 x 2 (洗淨去皮切件)
蔥頭 x 3 (切段), 我沒有買呢~

蒜蓉 x 適量, 可有可無

做法:
1) 燒紅鑊下油
2) 落蒜蓉, 蔥頭, 少許粗鹽爆香
3) 將雞翼落鑊煮至金黃色兜起
4) 下薯仔略炒+水(剛蓋過薯仔為準), 落蠔油
5) 水滾後用慢火炆至稔
6) 將雞翼放回鑊中, 用慢火煮至汁濃

製成品:

同場加演娃娃菜同蠟腸...

我見其他人都係放左雞翼先落蠔油的, 不過我就落薯仔時就落蠔油, 唔知兩者味道會唔會好大分別呢~ 下次試下另一個方法先得~

3月3日---星期二(都幾凍)

mama之前比左o的排骨比我, 所以今晚我會整排骨~ 另外左有o的菜心同咸牛肉都放左係雪櫃一段日子了~ 都係時候了結左佢地, 於是我就諗住咸牛肉炒菜心, 總知食得入口就ok了~ haha~

另外滾左咸蛋節瓜湯~

材料:
節瓜 x 1 (去皮, 切成小片)
咸蛋 x 2 (去縠分開蛋黃, 蛋白)

做法:
1) 放2-3碗水, 節瓜齊水放
2) 煲滾後放咸蛋黃，可放小量鹽
3) 煲滾水後轉中火滾30分鐘
4) 最後把咸蛋白放入攪勻做蛋花即可

製成品:

top

2月25日---星期三(小太陽)

今日放學要開校務會議, 所以之前星期六日已經拿左部notebook回家, 趕工整website, 不過臨急抱佛腳係唔岩既, haha~ 最後都係將o的舊野copy左去新website頂住先~ 開頭冇諗住開個website比大家睇, 所以都冇除bug, 不過kk話要講, 所以 就拿拿臨攪掂佢~ haha~ 開會時見大家都累喇, 所以我用最快的速度交帶個進度, show下個website比佢地睇下, 就講完了~ 前後都唔知有冇3min呢~

下午時書記同我講, 校長明天想睇我上堂, 好彩我好早之前已經有心理準備, 所以都唔係好緊張~ 希望明天順利~ 開完會之後就拿左個ppt準備明天用, 然後就回家了~ 咁岩魏sir約左朋友係tw食飯, 所以就一齊搭車回tw~

回到家就打電話比個學生, 因為佢下個week就要校際比賽了, 所以要補堂操下首歌~ 教完琴之後就自己整野食~ 終於清左o的菇了~ haha~

2月18日---星期三(小太陽)

今日好早就回家, 因為約左夜晚9點半見神父, 諗住早o的回家教琴, 做埋個家訪report先~ 晚上同老公去左樓下食大家樂, 本來諗住一齊去愉景食, 順便睇下抽濕機個價錢, 但係佢夜收工, 回到tw都8點半了, 唔夠時間呢~

食完野之後我就去見神父, 老公就去愉景睇下抽濕機個價錢~ 去到時間岩岩好, 我同神父都幾好傾呢, 傾左半個鐘時間夠就走了~

2月14日---星期六(小太陽)

今日係情人節, 老公一早訂左位langham食自助餐~ 自從上次父親節食完之後就冇再去食了~ 咁我覺得都幾好味, 所以就推介去呢間~ 因為要教琴, 所以我地book左8點9先食~

我地搭小巴去mk, 估唔到咁快就到, 所以行左一陣先, 不過係langham place行左一圈後都仲係好早, 所以就 係the place門口等下, 點知等下等下, 回頭一看, 先發現我地變左隊頭, 後面有一大條人龍, 好大壓力咁呢~

我地坐左係拿野食的地方附近, 好方便呢~ 我地見到有對男女唔知點放花, 好攪笑~ 最後放左係張table上面, 不過張table咁細, 都幾麻煩呢~ o的野食好好味呢, 今日仲有鵝肝伴牛扒添, 不過實在太飽了, 分左一半鵝肝比老公食~ 宜家諗返起覺得好唔抵呀~ haha~

2月11日---星期三(小太陽)

11點幾打比老公, 原來學校一早就去左拿貨了~ 真係好, 一切順利~ 可能已經返左學校添呢, 不過我未有時間去睇下係咩玩具~ 下午第6堂要代堂, 所以12點半就同李sir食lunch~

入到cal房先知魏sir回左校, 仲已經係cal房門口添~ 佢仲叫我唔駛代佢堂, 咁點得架~ 於是我就 回教員室同陳主任講啦, haha~ 最後都係我上返的~ 其實上中學組的堂都幾好玩~

放學後要開數學的會, 不過因為我要看b線, 所以遲o的先去, 去到時校長都已經離開了, haha~ 開完會就去體育室睇下係咩玩具, 好多我都好鍾意, haha~ 有電子琴, 電結他, 鼓, 火車同埋 好多車仔~ 仲有好多不能盡錄呢~

攪攪下都成6點幾先走, 回到家都7點了~ 跟住我就開始整意粉~ 第一次整香蒜肉絲意粉呢~ 真係唔知成唔成功, 好多野都係估估下, 特別係o的份量~

以下煮法係參考blog友的~

材料:
洋蔥 x 1個(切粒, 最後用左3/4個)
蒜頭 x 2粒(蒜溶)
牛油 x 適量
煙肉 x 3塊(切粒)
雜豆 x 1碗

做法:
1) 意粉用鹽水煮好,過冷河, 牛油伴勻, 備用~ (滾水落面,煮10分鐘左右)
2) 洋蔥, 牛油, 煙肉, 雜豆炒至有香味, 再加蒜溶~ 備用~
3) 牛油, 蒜溶炒至有香味, 加意粉~
4) 意粉放焗盤, 把(2)舖在上面, 再放進預熱180C的焗爐, 焗10分鐘左右至金黃色~ 完成~

製成品:

老公同我都覺得都幾好味呢, haha~ 我準備材料都要差不多成兩個鐘, 佢點敢話唔好味丫~ haha~ 不過我覺得o的牛油可以用少o的~ 同埋下次要預先拿o的肉同雜豆出來解凍, 咁就會快手o的~ 唔駛用隔水解凍咁浪費時間~ 我7點開知整, 差不多9點先開始食, 食完洗埋o的野都10點幾了~

2月8日---星期日(小太陽)

下午去左7伯家拜年~ 環境很好呢~

夜晚沙咀道原來有活動呢~ 影左幾張相~

2月7日---星期六(小太陽)

今日北京姊妹校來參觀, 所以要回校呢~ 原來搭7點55分的巴士, 都可以8點半回校呢, haha~ 我負責接待介紹, 要講國語, 真係頭都大埋, 我o的國語真係有限公司~ 不過都冇法子啦, 硬著頭皮上, 就沒問題了~ haha~

咁岩佢地個校長被編入我o個組, 所以我校校長就一齊行, 好大壓力呢~ 好彩都一切順利~ 好快就參觀完了~ 之後就回家~ 食完野就去教琴~

2月6日---星期五(小太陽)

今日仲未開學, 不過要回校開會, 大約11點左右回到校, 見未開會, 就整理下o的教案~ 個校產會都開左好耐呢, 之後楊sir萬歲請我地食lunch, 真係好~ haha~

回到校繼續攪埋o的教案, 我仲入埋o的評估添, 效率都幾好呢~

2月5日---星期四(小太陽)

今日一早就去教琴, 之後就回家等送貨, 11點幾就送來了~ 放好左張table之後, 個廳都唔係話立即變到好細, 真係好~ 宜家有埋張table係到, 真係似返個家呢~ 同埋方便好多~

6點幾又去左教琴, 之後就去四舅父家拜年~

2月2日---星期一(小太陽)

難得唔駛返學, 又唔駛教琴, 緊係訓耐o的啦~ 所以差不多12點先起身, haha~

之後係屋企做下家務咁~ 夜晚就去姨媽屋企拜年~

2月1日---星期日(小太陽)

話咁快又一個月, 很開心呢, 今日唔駛回timmy了, 因為我已經找左老師接替我~ 出來做野咁多年, 都未試過咁恨心放棄的, 不過為左多o的時間做家務, 都冇法子啦~ 其實都拖左好耐, 好彩yy先斬後奏幫我出聲, 如果唔係可能我有排都開唔到口, haha~

雖然朝早唔駛返琴行, 但係朝早有學生上來學琴, 所以都要早起身呢~ 之後再去ty教多一個學生~ 之後下午去左大舅父屋企拜年, 坐左一陣就去mega box的b&q睇下有冇野岩駛~ 不過最後都係空手而回, 原因係「呢個係荃灣都有啦」... haha~ 呀, 都唔係, 我地買左個lan頭~

買完野好肚餓, 我地返左去宜家o個到食dinner~ o的肉丸好好味呢~

top

1月31日---星期六(小小凍)

朝早開工教琴, 不過唔係教好多, 因為下午我地要同地爸爸mama佢地, 一齊去6299家拜年~ 本來諗住飲荼的, 不過好多人, 有排等, 所以最後我地去左食pizza~ 之後就出發去6299家~ 坐左好耐呢, 不過因為我地仲有下半場, 所以見時間差唔多就走了~

不過其實出到去油麻地都仲係好早, 所以就去左m記食小小野, 大約7點幾我地就行去聯邦酒樓, 今日係爸爸o個邊o的親戚團拜呢~

點知去到都未齊人, 於是我地就四方城, 如果唔係坐係到真係幾悶呢~

1月30日---星期五(小小凍)

今日中午時候, 師父上來按裝濾水器, 按左成個鐘呢~ 不過o的水真係清好多~ 可以唔駛煲就咁飲都得呢~ haha~

1月28日---星期三(小小凍)

朝早起身後, 其實都唔太早, 都差不多中午了~ haha~ 執屋, 因為6299會來我家呢~ 我地一齊係樓下飲茶, 之後就去我娘家拜年, 佢地都幾好傾呢, 之後6299就來我家了~ 坐左好耐, 睇左好耐電視之後, 就一齊去 citywalk食dinner~ 因為上海野太多人等緊了, 所以就去左唔駛等位的餃子~

1月27日---星期二(小小凍)

同往年一樣, 年初二都係去婆婆家的, 朝早起身食完野就搭小巴去牛頭角, 好快呢, 15分鐘左右就去到了~ 去到就直接上茶樓, 等齊人就開始食野了~ 因為結婚時婆婆冇來到, 所以我地就借呢個機會斟返茶比婆婆飲~

飲完茶就搭mtr去xx灣, 會合爸爸mama後, 我地一齊上大伯家拜年, 坐左一陣之後就再搭巴士去三姑媽家拜年~ 食左好多糕點呢, 好飽... 坐左都好耐下, 之後就回家了~

1月26日---星期一(小小凍)

話咁快又到年初一了, 第一年派利是, 有o的緊張添, 因為怕派少左比人呢, haha~ 一朝早大約11點就回娘家拜個早年先~ 之後再去埋婆婆到拜年, 係婆婆到坐左一陣就出發去6299家拜年~ 我地買左支養命酒去呢, 因為知佢地有飲開~ 之後就幫手set左個wireless router, 拜完年就一齊出阿爺家~ 我地搭的士去, 點知行一冇耐, funfun就話唔記得帶電話, 所以又一齊回起點, 拿左個電話後再繼續出發~

去到阿爺家, 就睇下我地結婚o的video, 之後再睇下7姑姐去緬甸o的相, 然後我就睇書, 佢地有o的就睇電影, 有 o的就訓左, haha~ 夜晚食完飯就走了~

1月16日---星期五(小小凍)

話咁快又到星期五, 真係開心, haha~ 下午係感知科活動, 全校性的比賽呢~ 不過真係好晒, 晒到我班仔面都紅晒~~ 我都覺得好熱呢~

晚上約左朋友食飯, 佢話好難先約到我呢~ haha~ 冇法子啦, 前排咁忙~

1月15日---星期四(大大凍)

今朝好凍呢, 又累喎, 真係想請假休息, haha~ 不過諗起我琴晚實牙實齒話會返, 所以都係起身換衫~ haha~ 回到學校個個都問我有冇事, 真係多謝各位的關心呢, haha~

放學後開音樂科的會, 討論下學期大網, 開完會就走了, 見都冇咩特別野做, 所以就走了~ 回到tw就教琴~

1月14日---星期三(大大凍)

天氣真係dry, 輕輕捽下個鼻就流鼻血了~

今日星期三, 係開校務會議的日子, 我負責整學校的網頁, 今日點都要有o的野比人睇, 所以琴晚攪到1點幾先訓~ 都總算係有o的野睇下咁啦, haha~

第一堂彰又發脾氣, 一個人處理都幾累呢, 大約15分鐘梅姐同魏sir入來幫手...

今日上第5堂時, 突然睇野好唔舒服, 個感覺好似望完o的好光既野咁, 又類似眼前一黑想暈咁, 好辛苦咁上完呢堂後, 個頭就開始痛... 之後同李sir去左食千之壽, 本來今日有兩堂空堂時間食野的, 但係我要代陳老師堂, 所以只好係 大息前的時間食~ 不過因為唔舒服, 所以都冇咩謂口~

回到校之後個頭仲痛, 仲有o的想嘔添, 李sir叫我去嘔, 但係我覺得好唔抵呀, 岩岩食飽都未開始消化, 就要嘔返出來~ 所以我冇去嘔啦當然, haha~ 之後我去左當值, 好彩今日係電腦房, 唔駛行行企企~ 咁岩家長義工請假, haha~ 李sir好好人, 佢居然入來叫我去休息, 佢替我當值, 最後我地一齊係電腦房, 佢陪我當值~ 佢開左我們這一家的電影比同學睇~ 不過我個頭太痛喇, 都冇咩心情欣賞...

之後有一堂空堂休息, wingwing話比葯我食, 很好呢, 頭痛真係好辛苦~ 係呢個時候好想嘔, 所以沖左入toilet, 嘔完先食葯~ 原本要代的堂, 就換上左李sir了~ 訓到第8堂就落去上堂, 點知魏sir見到我, 佢非常之驚訝, 問我點解仲係學校未走~ 我都唔知喎, haha~ 原來陳主任找左楊sir代我, 真係好呢, 於是我又上返教員室休息~ 之後係眾人的關懷下, 我就打的士回家了~

回家途中非常辛苦, 好想嘔呢... 終於回到家, 嘔完後就訓左一陣~ 6點幾見好返少少, 就開始做家務同煮飯~

1月13日---星期二(大大凍)

今日係我生日呢, 不知不覺就到左呢一日, 自己都唔係好覺呢, haha~ 一早回校就發現個tray有兩粒金莎, 係校長送的呢, 真係有o的受寵若驚呢, haha~ 因為今日老師要帶童軍遠足, 所以要代堂~ 我都幾鍾意代中學的堂, haha~ 之後下午食返自己琴晚煮的飯, 真係好味道呢~

第8堂小三班開生日會, 請埋小二班生日的同學來呢, 當然我都係半個主角啦, haha, 我同其中一個學生係同一日生日的呢~ 魏sir好好人呢, 買左個好有特色的生日蛋糕~ 大家都食得好開心呢~

放學後開會傾單元活動, 今個單元係我, 李同苑負責~ 好快咁傾完後, 就同李sir一齊攪埋份plan先走, 最後變左最後個批人走~ 雖然今日係我生日, 但係我冇預到同老公食飯慶祝呢, 因為佢呢排好忙, 好夜先放工~ 於是魏sir同李sir就陪我去左m記食包了~ 回到家就整網頁, 因為明天就要開會了...

9點幾老公先放工, 我地去左沙嗲王食, 好味道呀~

1月12日---星期一(小小凍)

今日中午回校時, 見到何先生收花呢, 原來佢今日生日~

回到家煮飯食, 真係好, 明天可以帶回校食呢, hoho~ 晚上做學校的website, 要趕工呢~ 做到好夜呀, 過左12點都唔係好知呢~ 多謝大佬的長途電話~ 臨訓前發現老公原來寫左張咭放左係窗台比我呢, haha~

top